منتدى أبناء مدينة السرو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 التطور الطبيعي للزواج

اذهب الى الأسفل 
4 مشترك
كاتب الموضوعرسالة
الكتكوت الفصيح
مشرف قسم المنتدى العام
مشرف قسم المنتدى العام
الكتكوت الفصيح


المساهمات : 235
تاريخ التسجيل : 28/09/2008

التطور الطبيعي للزواج Empty
مُساهمةموضوع: التطور الطبيعي للزواج   التطور الطبيعي للزواج I_icon_minitimeالإثنين أكتوبر 20, 2008 12:59 pm

كلمة بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر! .... يعنى لو مش بحبك لزواج كنت هاتجوزك ليه ؟؟؟
..........
بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل يا هانم؟؟
................
جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
.....................
وقت الغدا
بعد 6 اسابيع : ماكنتش اعرف ان نفسك حلو في الطبخ اوى كدة
بعد 6 شهور : عاملة ايه النهاردة ؟؟
بعد 6 سنين : بامية تانى... اووف
................
لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : همم... بكام ده؟
...............
لما يتفرجوا على التليفزيون
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا الماتش جاي حالا
بعد 6 سنين : انا رايح السينما , نامى انتى بقى
...............
لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت
...................
لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟
................
لما حماته تيجي علشان تزورهم
بعد 6 اسابيع : يا سلام ده البيت والعمارة والحتة كلها منوره يا طنط
بعد 6 شهور : هي أمك فاضية ماورهاش حاجة
بعد 6 سنين : نهار إسود ده .. هى أمك كل يوم تنطلنا أنا خارج ومش عارف هرجع إمتى!؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى

وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو

مع المولود الأول
المولود الاول : زى القمر .... شبهك
المولود التانى : شبه اخوه
المولود التالت : ياريت تخللى بالك المرة الجايه.

لما يجي يزورك واحد صاحبك
بعد 6 اسابيع : تقابله من ع الباب وتستضيفه بالكتير ربع ساعة..وتنصحه إن الجواز ما فيش احسن منه
بعد 6 شهور : تاخده وتخرج بيه البلكونة وتشكي من مشاكل الزواج وتنصحه بعدم خوض التجربة..إبقى تعالى بكره..هستناك
بعد 6 سنين : تقوله ما تخليك تبيت معانا .. بجد والله

لما يزوركم حد من قرايبها ومعاه طفل صغير وشقي
بعد 6 اسابيع : لا لا براحته .. ما شاء الله ده عسل قوي ودمه خفيف
بعد 6 شهور : حاسب يا حبيبي .. إنزل من على الأنتريه
بعد 6 سنين : إنزل يا بن...
الرجوع الى أعلى الصفحة اذهب الى الأسفل
بنت السرو
مشرفة قسم الطرائف والالغاز والالعاب
مشرفة قسم الطرائف والالغاز والالعاب
بنت السرو


المساهمات : 213
تاريخ التسجيل : 13/09/2008

التطور الطبيعي للزواج Empty
مُساهمةموضوع: رد: التطور الطبيعي للزواج   التطور الطبيعي للزواج I_icon_minitimeالإثنين أكتوبر 20, 2008 1:38 pm

وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو

هههههههههههههههه لا مش بيقولها انتى زى البمب اهو
مالك ياختى مانتى زى القرد اهو ههههههههههههههههههههههههه
الرجوع الى أعلى الصفحة اذهب الى الأسفل
أبو عبد الله

أبو عبد الله


المساهمات : 20
تاريخ التسجيل : 07/10/2008

التطور الطبيعي للزواج Empty
مُساهمةموضوع: رد: التطور الطبيعي للزواج   التطور الطبيعي للزواج I_icon_minitimeالإثنين أكتوبر 20, 2008 5:29 pm

موضوعك بجد رائع هههههههههههههههههههههههه
شكرا علي المجهود
اوك
الرجوع الى أعلى الصفحة اذهب الى الأسفل
لن أعيش فى جلباب أبى
المشرف العام
المشرف العام
لن أعيش فى جلباب أبى


المساهمات : 185
تاريخ التسجيل : 22/09/2008

التطور الطبيعي للزواج Empty
مُساهمةموضوع: رد: التطور الطبيعي للزواج   التطور الطبيعي للزواج I_icon_minitimeالأربعاء أكتوبر 22, 2008 6:23 am

انتم ناس زى العسل والله بترسموا الابتسامه دايما على وشى التطور الطبيعي للزواج 816419f7e8
الرجوع الى أعلى الصفحة اذهب الى الأسفل
 
التطور الطبيعي للزواج
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى أبناء مدينة السرو :: المنتديات العامه :: المنتدى العام-
انتقل الى: