ما سمعتش آخر خبر
قولتله قديمة ... بيبو فرقع جيجي
قالي : يااااااااه ده انت قديم قوي .. يا ابني انت محتاج " أب ديت " علشان تواكب العصر
قلتله خلاص خلاص .. عرفت ... حمادة بيحب غادة .. وهي بتحب هاني
بصلي من فوق لتحت وقالي لأ ...
شكلك مش مثقف
- أنا ؟ و الله ابدا .. ده انا مو س قراية ... بس انا اللي مش بان عليا
- قالي انت شكلك مش من البلدي
قلتله ... لاااااااااااااا و ألف لاااااااااااا .. انا مصري و ابويا مصري ... و النيل جواه بيسري .. لولاش بس البلهرسيا اللي عملت فيا كده
قالي يا عم انت مش حاسس باللي بيحصل ف البلد
قلتله يا عم و الله حاسس ...
بس خايف اتكلم لاروح ف داهية ... البلد بتتباع ... و بتتنهب ...
حط ايده على بقى و كتم نفسي و قالي ... عندك
أناباتكلم عن حاجة تانية خالص ... ده انت نينه قوي
ايه يا عم قول ...
قالي : موبينيل باعت الشبكة القديمة بالقرد ... وجابت شبكة جديدة من غير قرد ..
- يا راااااجل ... من امتى الكلام ده ؟؟؟
- يا عم من فترة ... مش باقولك انت مش ف البلد
قلت اجرب الموضوع ده
طلعت الموبايل من درج النيش و مسحت التراب من عليه و ضربت
رقم واحد صاحبي
لقيت نفس الوية الغتته اللي مزهقاني ف عيشتي بتقولي نفس البق الحامص اياه
الرقم الذي طلبته غير متاح حاليا
وصاحبه ربما يكون معتقلا أو مسجونا
كررت المحاولة ... و الولية برضه ما بتزهقش ... نفس الجملتين
طب تاني يوم ... خطأ ف الإرسال
طب تالت يوم ... الشبكة مشغولة
طب رابع يوم
طب خامس
الله
امال فين الشبكة الجديدة ؟؟؟
هو بأمانة صوت الصفارة ساعت الرنين اتغيرت
لكن باقي البلاوي و حتى سرقة الرصيد
هي هي
ما اتغيرتش
انا بصراحة كنت شاكك ف القرد ان هو اللي بيسرق الرصيد
بس اهم باعوه ... و لسه الرصيد بيتسرق
يبقى العيب فييييييييييين ؟؟؟
المهم اني قعدت افكر
ف الشبكة الجديدة
و مميزاتها
و الجديد فيها
ما لقيتش غير حاجتين اتنين
انهم غيروا الصفارة
و باعو القرد اللي كان بيتكلم
انجاااااااااااااز بجد ههههههههههههههههههههه
وخد دى كمااااااااااااان
نظم مستهلكون مصريون حملة مقاطعة على الإنترنت ضد رجل الأعمال المصري النصراني "نجيب ساويرس" صاحب شبكة موبينيل لخدمات الهاتف المحمول؛ بسبب ما تعرضه قناته الفضائية الجديدة "OTV" من محتوًى خادشٍ للحياء يتعارض مع الطبيعة الإسلامية للبلاد.
ورفع المستهلكون شعار: (مش بفلوسي يا ساويرس... هنغير المحطة والشبكة كمان)،
ويأتي ذلك بعد أن قامت القناة في منتصف الشهر الماضي بعرض فيلم أمريكي يحتوي على قدرٍ كبير من المشاهد والحوارات الجنسية، ورغم الاعتراضات التي تلت عرض الفيلم إلا أن القناة قامت بالتنويه إلى إعادة عرضه كاملاً لمَن لم يشاهده، ورفض ساويرس كل الانتقادات لعرض مثل هذه المشاهد.
وأنشأ المحتجون موقعًا على الإنترنت للدعوة إلى مقاطعة شبكة "موبينيل" من خلال رسالة موجهة إلى ساويرس جاء نصها كالآتي : "بسبب السلوك غير المسؤول للقناة, ولإصراركم على تحدي قِيمنا الثقافية والأخلاقية لتحقيق هدفكم الواضح لإنجاح أجندة ليبرالية غير أخلاقية، وإيمانًا منا بأهمية تفعيل دورنا كمستهلكين، وعليه فنحن جميعًا نتعهَّد- ونعلن رفضنا لسياستكم ومقاطعة شبكة "موبينيل" للمحمول وقناة OTV".
ويأتي ذلك بعد أيام قليلة من الانتقادات التي وجهت لساويرس على خلفية تصريحاته التي قال فيها: إنه يشعر بالغربة عندما يسير في الشارع المصري؛ نتيجة لزيادة عدد المحجبات، وأنه لم يعد يسلم على المحجبات إلا عبر الطريقة اليابانية (من بعيد لبعيد).
الأحد أكتوبر 12, 2008 8:48 am
